პანკისი
აღწერა
პანკისის ხეობა თუშეთის სამხრეთით, მდ. ალაზნის საწყის წერტილთან მდებარეობს. ადმინისტრაციულად, იგი კახეთის რეგიონის ახმეტის მუნიციპალიტეტს ეკუთვნის. იმის გამო, რომ ტერიტორია ჩეჩნეთის რესპუბლიკის საზღვართან ახლოს მდებარეობს, აქაური მოსახლეობა ძირითადად ქისტებისა და ჩეჩნების ეთნიკური ჯგუფისგან შედგება. ხეობას ტურისტები ხშირად არ სტუმრობენ, შესაბამისად ბუნება აქ ხელუხლებელი და ველურია. პანკისის ხეობაში შეხვდები (ეთნიკურად) ჩეჩენ ქართველთა სოფლებს, ულამაზეს ჩანჩქერს, ტბებსა და საფეხმავლო ბილიკებს თუშეთის მიმართულებითით. პანკისის ციხე შუა საუკუნეებს მიეკუთნება და ისტორიკოსების თქმით პანკისის საერისთავოს ცენტრი იყო. ციხე რთულრელიეფიან მთაზეა აგებული. მისი გალავანი ნატეხი ქვითაა ნაგები, რომლის სისქე ზოგან 2,5 მეტრია, ზოგან კი 3,6 მეტრსაც კი აღწევს. ციხე ციტადელისა და ქვედა ციხისაგან შედგება. ციხესიმაგრე, დარბაზულ ეკლესიასა და კოშკსაც მოიცავს.
